William Faulkner /ˈfɔːlknɚ/ (nacíu William Cuthbert Falkner, New Albany, Mississippi, 25 de setiembre de 1897 - Byhalia, 6 de xunetu de 1962) foi un narrador y poeta d'Estaos Xuníos. Nes sos obres destaquen el drama psicolóxicu y la fondura emocional, utilizó pa ello una llarga y serpenteada prosa, amás d'un léxicu meticuloso. Ganador del Nobel de Lliteratura de 1949.
Como otros autores prolíficos, sufrió la envidia y foi consideráu'l rival estilísticu d'Ernest Hemingway (les sos llargues frases oldeaben coles curties de Hemingway). Ye consideráu l'únicu probable modernista d'Estaos Xuníos de la década de 1930, siguiendo la tradición esperimental d'escritores europeos como James Joyce, Virginia Woolf y Marcel Proust, y conocíu pol so usu de téuniques lliteraries innovadores, como'l monólogu interior, la inclusión de múltiples narradores o puntos de vista y los saltos nel tiempu dientro de la narración.
La so influencia ye bultable na xeneración d'escritores suramericanos de la segunda metá del sieglu XX. García Márquez nel so Vivir pa cuntala y Vargas Llosa en El pexe na agua almiten la so influencia na narrativa.[9]
© MMXXIII Rich X Search. We shall prevail. All rights reserved. Rich X Search